الأسئلة الشائعة

أسئلة تتكرر علينا

إجابات سريعة عن التجميع، الضبط، الضمان، التوصيل والدفع.

كم يحتاج الجهاز المخصص وقت؟

حوالي 4 أيام من الطلب، شاملة التجميع وضبط البايوس والاختبار.

شنو يعني ضبط الأداء؟

أغلب الأجهزة تشتغل على إعدادات البايوس الافتراضية اللي ما تستغل كامل الأداء. نضبط إعدادات المعالج والرامات لفريمات أعلى وسلاسة أكثر واستجابة أسرع، ثم نختبر الجهاز تحت الضغط عشان يبقى ثابت بالكامل.

هل الضبط آمن على جهازي؟

نعم. كل جهاز نضبطه يُختبر للثبات قبل ما يطلع من المحل، والضبط مشمول بضمان 3 سنوات.

تقدرون تضبطون أو تصلحون جهاز ما اشتريته منكم؟

نعم. نقدم الضبط والفحص والتنظيف العميق والتجميع لأي جهاز مكتبي. اطلع على خدمات الكمبيوتر.

شنو الضمان اللي أحصل عليه؟

سنة على قطع الكمبيوتر المطلوبة منا، وضمان 3 سنوات على الضبط يشمل خدمة عملاء مجانية ودعم عن بُعد مجاني وتنظيف مجاني. التفاصيل في صفحة الضمان والتوصيل.

عندكم دعم عن بُعد؟

نعم. خلال فترة الضمان يقدر فريقنا يتصل بجهازك عن طريق TeamViewer أو Quick Assist من ويندوز ويحل المشكلة بدون ما تجي المحل.

كم سرعة التوصيل وكم تكلفته؟

توصيل لأي منطقة في الكويت خلال ساعتين في أوقات الدوام، بـ 2 د.ك. وتقدر تستلم من المحل.

شنو طرق الدفع المتوفرة؟

كي نت، فيزا / ماستركارد، والتقسيط مع ديما.

أقدر أرجّع أو أبدّل المنتج؟

المنتجات غير المفتوحة يمكن إرجاعها أو استبدالها خلال 14 يوم مع الفاتورة الأصلية. الأجهزة المخصصة لا يمكن إرجاعها بعد بدء التجميع، إلا في حال وجود عيب مصنعي. التفاصيل في سياسة الاسترجاع.

وين محلكم ومتى تفتحون؟

مبنى Bloq 4، شارع 10، أسواق القرين. السبت – الخميس، 10:00 – 14:00 و 17:00 – 22:00. الجمعة مغلق.

عندك سؤال ثاني؟

راسلنا وبيرد عليك شخص حقيقي.